English Russian

Նորություններ

Ծանոթացեք կազմակերպության գործունեությանը վերաբերող նորություններին

ISO 9001։2015 հավաստագիր

Ուրախ ենք տեղեկացնել, որ JINJ ընկերությունը հաջողությամբ անցել է ISO հավաստագրումը և ստացել ISO 9001:2015 միջազգային հավաստագիրը՝ որակի կառավարման համակարգերի ոլորտում ամենաճանաչված ստանդարտներից մեկը։...


Այս վկայականի ստացումը հաստատում է, որ մեր բոլոր ծառայությունները համապատասխանում են միջազգային բարձր չափանիշներին։ Մենք ներդրել ենք արդյունավետ կառավարման համակարգ, որն ուղղված է շարունակական կատարելագործմանը և որակի վերահսկմանը։

Այս քայլը մեր թափանցիկության, հաշվետվողականության և գերազանցության ձգտման նկատմամբ հանձնառության արտացոլումն է։ ISO 9001։2015 հավաստագիրը հաստատում է, որ մեր հաճախորդներն ու գործընկերները կարող են վստահել Ընկերության կայունությանը, պրոֆեսիոնալիզմին և մատուցվող ծառայությունների բարձր որակին։

Մենք շնորհակալություն ենք հայտնում մեր թիմին կատարված աշխատանքի և ընդհանուր նվաճման մեջ ունեցած ներդրման համար։ Միասին մենք շարունակում ենք աճել և ամրապնդել JINJ ընկերության նկատմամբ վստահությունը։

06 Մայիս, 2025
Ավելին

Առաջադեմ թաղանթային ուլտրաֆիլտրացիոն տեխնոլոգիա

Առաջին անգամ Հայաստանում՝ ՋԻՆՋ ընկերությունը ներկայացնում է Cembrane՝ առաջադեմ թաղանթային ուլտրաֆիլտրացիոն տեխնոլոգիա, որը բարձր արդյունավետությամբ, երկարակեցությամբ և կայունությամբ բարելավում է ջրի և կեղտաջրերի պահանջվող աստիճանի մաքրման գործընթացը։...

Cembrane ուլտրաֆիլտրացիոն տեխնոլոգիան հիմնված է հեղուկից պինդ մասերի տարանջատման գործընթացի վրա։ Այն կարող է օգտագործվել մակերևույթային ջրերի, ինչպես նաև կեղտաջրերի մաքրման համար։

Cembrane ուլտրաֆիլտրացիոն տեխնոլոգիայի կիրառման ոլորտներն են՝
Խմելու ջուր
  • Մակերևութային, ստորգետնյա և գրունտային ջրի մաքրում,
  • Շրջանառվող համակարգերում ջրի մաքրում՝ վերաօգտագործման նպատակով,
  • Հետադարձ օսմոսի նախնական մշակում։
Քաղաքային կեղտաջրեր
  • MBR (մեմբրանային բիոռեակտոր) և ակտիվ տիղմի ջրազրկում,
  • Խորը (երրորդային) մաքրում,
  • Հեղեղաջրերի մաքրում։
Արտադրական կեղտաջրեր
  • Լվացող սարքավորումների կեղտաջրեր
  • Ածխաքիմիական արդյունաբերություն
  • Սննդի և խմիչքների արտադրություն
  • Էլեկտրոնային և կիսահաղորդիչների արդյունաբերություն
  • Դեղագործություն
  • Հանքարդյունաբերություն
  • Նավթամթերք պարունակող կեղտաջրեր
  • Նավթաքիմիական արդյունաբերություն
  • Թղթի և ցելյուլոզի արտադրություն

06 Մարտ, 2025
Ավելին

Դարձնենք Գետառը նորից մաքուր

🌀 Գետառը կարևոր բնական ջրային ռեսուրս է, որը նշանակալի դեր ունի մեր քաղաքի էկոհամակարգում։ Սակայն տարիների ընթացքում գետը տուժել է կենցաղային թափոններից և կեղտաջրերից, ինչը և հանգեցրել է մեզ բոլորիս այնքան անհանգստացնող գառշահոտի առաջացմանը։ Մեր քաղաքացիներին Էսթետիկ հաճույք պատճառելու փոխարեն Գետառը վեր է ածվել աղբատար-կոյուղատարի։...



ℹ️ Երևանի քաղաքապետարանի պատվերով ՋԻՆՋ ընկերությունը ձեռնամուխ եղավ խնդրի լուծման, որի շրջանակներում էլ մշակեց Գետառ գետի համապատասխան հատվածում աղբորսիչ կայանի և եռաստիճան ջրավազանային համակարգի կառուցման նախագիծը։ Աղբորսիչ կայանի համալիրը բաղկացած է երկու բաղադրիչից․
🔹 աղբորսիչ ճաղավանդակներից, որոնց օգնությամբ կատարվում է 90-95% լողացող աղբի որսում և ապահովվում է դեպի Երևանյան լիճ մաքուր ջրի հոսքը,
🔹 արհեստական օդավորմամբ եռաստիճան ջրավազանային համակարգից, որը նպաստում է տհաճ հոտի հնարավորինս նվազեցմանը։

Ի ուրախություն բոլորիս աղբորսիչ համալիրի կառուցումը մոտենում է ավարտին և, հուսանք, որ մոտ ժամանակներս կմեկնարկի այդ համալիրի շահագործումը և մենք կունենանք տարածաշրջանում առաջին նմանատիպ համակարգ։💦

23 Հունվար, 2025
Ավելին

Մաքուր Ջուր, Մաքուր Ապագա

ՋԻՆՋ ՍՊԸ-ն մասնագիտացած է կեղտաջրերի մաքրման նորարարական լուծումների մեջ՝ ապահովելով կեղտաջրերի անվտանգ հեռացում։ Մեր փորձագետների նվիրված և պրոֆեսիոնալ/արհեստավարժ աշխատանքն ավելի քան բավարարում է ոլորտի այսօրվա կարիքները՝ ապահովելով վաղվա ռեսուրսների անվտանգությունը: Մենք առաջարկում ենք կեղտաջրերի մաքրման խորհրդատվական ծառայությունների ամբողջական շրջանակ, ներառյալ....

  • Խնդիրների ուսումնասիրում և լուծում,
  • Կեղտաջրերի մաքրման նոր լուծումների նախագծում
  • Կեղտաջրերի մաքրման կայանների արդիականացում
  • Երրորդային (խորը) մաքրման համակարգերի նախագծում,
  • Անհատական և խմբային տնային տնտեսությունների, այդ թվում նաև գյուղական, կեղտաջրերի հեռացման ու մաքրման մատչելի և հասանելի լուծումների առաջարկում,
  • Կեղտաջրերի մաքրման կայանների շահագործման ու պահպանման անձնակազմի ուսուցում/վերապատրաստում
  • Կենցաղային և արտադրական կեղտաջրերի հեռացման ու մաքրման խորհրդատվություն

Միասին ստեղծենք ապագա, որտեղ յուրաքանչյուր կաթիլը կարևոր է:

15 Նոյեմբեր, 2024
Ավելին

Կյանքն առանց կոյուղու

ՀՀ Առաջին հեռուստաալիքի ԵԿԵՔ ՀԱՍԿԱՆԱՆՔ հաղորդման հյուրն էր ՋԻՆՋ ընկերության տնօրեն Էդուարդ Մեսրոպյանը: Հաղորդումը նվիրված էր Հայաստանում կոյուղու հետ կապված խնդիրներին: Դիտեք Էդուարդ Մեսրոպյանի կարծիքը այդ խնդրի վերաբերյալ:

24 Ապրիլ, 2019
Ավելին

Ինժեներախորհրդատվական ծառայություններ մատուցող տարվա ընկերություն

Ս.թ. հոկտեմբերի 17-ին Արամ Խաչատրյան համերգասրահում կայացավ «Համազգային վստահություն» խորհրդի կողմից... կազմակերպած «Տարվա հանրային ծառայող և տարվա ապրանքանիշ 2017» ազգային մրցանակաբաշխությունը:

Ուրախ ենք տեղեկացնել, որ սոցիոլոգիական հարցումների և փորձագիտական եզրակացության արդյունքում «ՋԻՆՋ» ընկերությունն արժանացավ «Ջրամատակարարման ոլորտում ինժեներախորհրդատվական ծառայություններ մատուցող տարվա ընկերություն» անվանակոչմանը:

24 Հուլիս, 2018
Ավելին

Օշ քաղաքի ջրամատակարարման և ջրահեռացման համակարգերի վերականգնում

Ս.թ. հուլիսի 10-ից «Օշգորվոդոկանալ»-ի պատվերով «ՋԻՆՋ» ընկերությունը «Գրանթ Թորնթոն» ՓԲԸ-ի հետ համատեղ... սկսում է իրականացնել «Օշ քաղաքի ջրամատակարարման և ջրահեռացման համակարգերի վերականգնում» ներդրումային ծրագրի երկրորդ փուլը, որը ֆինանսավորում է Վերակառուցման եվ Զարգացման Եվրոպական Բանկի կողմից: Ծրագրի շրջանակներում «ՋԻՆՋ»-ը աջակցելու է Ծրագրի ընդհանուր կառավարման իրականացմանը, կատարելու է նախագծում և աշխատանքների տեխնիկական վերահսկողության, ինչպես նաև աջակցելու է գնումների գործընթացին: Այս ծրագրի շրջանակներում Օշ քաղաքում (Ղրղզստան) կվերականգնվեն գործող կեղտաջրերի մաքրման կառուցվածքները և 3 պոմպակայանները:

16 Սեպտեմբեր, 2017
Ավելին

Ոսկե մրցանակ միջազգային ստանդարտների ներդրման համար

Սույն թվականի մարտի 3-ին «Դաբլ Թրի բայ Հիլթոն Երևան» հյուրանոցում տեղի ունեցավ հայկական մի շարք հանրաճանաչ կազմակերպությունների... մրցանակաբաշխության արարողությունը: Այն կազմակերպվել էր Ստանդարտների ազգային ինստիտուտի և «Համազգային վստահություն» խորհրդի հետ համատեղ: Ուրախ ենք հայտնելու, որ միջազգային ստանդարտների ներդրման բնագավառում նշանակալի դերակատարման և ակտիվ մասնակցության համար Ոսկե մրցանակի արժանացավ նաև ՋԻՆՋ ընկերությունը:

16 Սեպտեմբեր, 2017
Ավելին

Շինարարություն և Ինտերիեր 2017 մասնագիտացված ցուցահանդես

ՋԻՆՋ ընկերությունը սիրով հրավիրում է այցելել իր տաղավար, ս.թ. մայիսի 19-ից մինչև 21-ը կայանալիք "Շինարարություն և Ինտերիեր 2017" 10-րդ հոբելյանական միջազգային մասնագիտացված ցուցահանդեսին, որը տեղի կունենա “Երևան Էքսպո” կենտրոնում (հասցե՝ ք. Երևան Հ. Հակոբյան փող., 3-րդ շենք):

03 Փետրվար, 2017
Ավելին

Հայաստանի ջրային ոլորտի ներդրումային ծրագիր

Մեկնարկվել են Վերակառուցման և Զարգացման Եվրոպական Բանկի ֆինանսավորմամբ, ՀՀ ԳՆ ջրային տնտեսության պետական կոմիտեին առընթեր Հայջրմուղկոյուղի ՓԲԸ-ի պատվերով “Հայաստանի ջրային ոլորտի ներդրումային ծրագիր - տեխնիկատնտեսական հիմնավորում” ծրագրի... աշխատանքները: Ծրագիրը իրականացվում է COWI Դանիա – COWI Ռուսաստան – ՋԻՆՋ ինժեներա-խորհրդատվական ընկերությունների կողմից: Սույն թվի հոկտեմբերի 20-ին կայացավ ծրագրի մեկնարկային հանդիպումը, որի ընթացքում Պատվիրատուն ներկայացրել է՝ ծրագրի նպատակները և մեթոդոլոգիան, աշխատակազմի դերը և պատասխանատվությունները, իրականացման ժամանակացույցն ու հանձնվող հաշվետվությունները:

29 Օգոստոս, 2015
Ավելին