Նորություններ

RESYP ծրագրի գլխավոր նպատակն է Սյունիքում ստեղծել դիմակայունություն՝ բարելավելով համայնքների կենսամակարդակն ու աճը, մեծացնելով հուսալի խմելու ջրի մատակարարման հասանելիությունը և բարելավելով որակյալ կրթության և առողջապահության հասանելիությունը։

Հանդիպման ընթացքում Ծրագրի Խորհրդատուն՝ GIC և CES գերմանական ու ՋԻՆՋ հայկական ընկերությունների կոնսորցիումը ներկայացրեց ծրագրի նպատակները, իրականացման մեթոդները, սպասվող արդյունքները։

Խմելու ջրամատակարարման բաղադրիչի շրջանակներում նախատեսվում է, ԵՆԲ-ի չափանիշներին և ՀՀ կառավարության առաջնահերթություններին ու պահանջներին համապատասխան, ուսումնասիրել Սյունիքի մարզում նախապես ընտրված շուրջ 55 բնակավայրերի ջրամատակարարման համակարգերը և մշակել տեխնիկատնտեսական հիմնավորում, Բնապահպանական և Սոցիալական Ազդեցության Գնահատում, ինստիտուցիոնալ և սակագնային ռազմավարություն, աշխատանքային նախագծեր և մրցութային փաստաթղթեր։

Այն նվիրված է Արարատ քաղաքում կառուցված կեղտաջրերի կենսաբանական մաքրման առաջին կայանին, որի նախագիծը մշակվել է ՋԻՆՋ ընկերության կողմից։

Ամբողջական հոդվածը կարող եք կարդալ այստեղ՝ https://hetq.am/hy/article/178787:

Բոլորս էլ գիտենք, որ մինչև Երևան մտնելն ու Երևանի տարածքում անկառավարելի կերպով Հրազդան գետ են լցվում չմաքրված կոյուղաջրերն ու կենցաղային թափոնները՝ աղտոտելով նրա ջրերն ու ափամերձ տարածքները։

Հրազդան գետը կենցաղային թափոններով աղտոտման խնդիրը լուծելու նպատակով, ՋԻՆՋ ընկերությունն իրականացրել է լայնածավալ ուսումնասիրություններ, որոնց արդյունքում մայրաքաղաքի հարավ-արևմտյան և հյուսիս-արևելյան հատվածներում, Հրազդան գետի վրա, նախագծվել և կառուցվում է 2 աղբորսիչ կայան։

Հաշվի առնելով մեր երկրի լեռնային գետերի հիդրոլոգիական պայմանները և ուսումնասիրելով գետերի մաքրման միջազգային փորձը, մեր ընկերությունը մշակել է հիբրիդային տեխնոլոգիայով գործող կայանի նախագիծ, որով հաշվի է առնվում լեռնային գետերի ջրի մակարդակի և հոսքի արագության զգալի տատանումները։

Կայաններն իրենցից ներկայացնում են գետի ջրի մակարդակի վրա ազատ լողացող ճկուն ուղղորդիչներ, որոնք ուղղորդում են աղբը դեպի աղբընդունիչ խուց, որտեղ տեղադրված աղբահավաք զամբյուղներում էլ կուտակվում է աղբը։ Աղբով լցված զամբյուղներից, ամբարձիչի օգնությամբ, աղբը հեռացվում և լցվում է աղբատար մեքենա։

Այս 2 աղբորսիչ կայանների շինարարությունը գտնվում է ավարտական փուլում և շուտով կսկսեն շահագործվել Երևանի քաղաքապետարանի կողմից։

Միջոցառումը հիանալի հնարավորություն էր ներկայացնելու մեր նորարարական լուծումները, տեխնոլոգիաները և տեսլականն ապագայի վերաբերյալ։

Ցուցահանդեսի ընթացքում մեր մասնագետներն ունեցան բազմաթիվ հետաքրքիր և բովանդակալից ոլորտային զրույցներ ու քննարկումներ, ձեռք բերեցին նոր համագործակցությունների հնարավորություններ և գործընկերներ։

Հատուկ շնորհակալություն ենք ցանկանում հայտնել Construction Expo 2025-ի կազմակերպիչներին, մեր բոլոր այցելուներին ու գործընկերներին, մեր կողքին լինելու և սատարելու համար։

Հետևեք մեր նորություններին՝ ամենահետաքրքիրը դեռ առջևում է։

Ջրի ոտնահետքը բնապահպանական ցուցիչ է, որը ցույց է տալիս, թե որքան ջուր է ծախսվում մեր կենսագործունեության համար անհրաժեշտ ապրանքներ արտադրելու և ծառայություններ մատուցելու համար։

Այն հնարավորություն է տալիս գնահատելու, թե մարդն իր գործունեության ընթացքում ինչ ազդեցություն է թողնում ջրային ռեսուրսների վրա։ Ջրի ոտնահետքը կարող է հաշվարկվել՝

• Ազգային մակարդակով
• Արտադրությունների մակարդակով,
• Անհատական մակարդակով

Դե իհարկե, այս 3 տարբերակից Ձեզ ամենից շատը կկհետաքրքրի Ձեր անհատական ջրի հետքը, որը հավասար է ջրի այն քանակին, որն անհրաժեշտ է Ձեր կողմից սպառված ապրանքների արտադրության և ծառայությունների մատուցման համար:

Իսկ եթե ցանակնում եք չափել Ձեր անհատական ջրի ոտնահետքը, ապա կարող եք Ձեր ժամանակից 5 րոպե հատկացնել և մուտք գործել հետևյալ կայք․ https://www.waterfootprint.org/

Այս վկայականի ստացումը հաստատում է, որ մեր բոլոր ծառայությունները համապատասխանում են միջազգային բարձր չափանիշներին։ Մենք ներդրել ենք արդյունավետ կառավարման համակարգ, որն ուղղված է շարունակական կատարելագործմանը և որակի վերահսկմանը։

Այս քայլը մեր թափանցիկության, հաշվետվողականության և գերազանցության ձգտման նկատմամբ հանձնառության արտացոլումն է։ ISO 9001։2015 հավաստագիրը հաստատում է, որ մեր հաճախորդներն ու գործընկերները կարող են վստահել Ընկերության կայունությանը, պրոֆեսիոնալիզմին և մատուցվող ծառայությունների բարձր որակին։

Մենք շնորհակալություն ենք հայտնում մեր թիմին կատարված աշխատանքի և ընդհանուր նվաճման մեջ ունեցած ներդրման համար։ Միասին մենք շարունակում ենք աճել և ամրապնդել JINJ ընկերության նկատմամբ վստահությունը։

Cembrane ուլտրաֆիլտրացիոն տեխնոլոգիան հիմնված է հեղուկից պինդ մասերի տարանջատման գործընթացի վրա։ Այն կարող է օգտագործվել մակերևույթային ջրերի, ինչպես նաև կեղտաջրերի մաքրման համար։

Cembrane ուլտրաֆիլտրացիոն տեխնոլոգիայի կիրառման ոլորտներն են՝
Խմելու ջուր

• Մակերևութային, ստորգետնյա և գրունտային ջրի մաքրում,
• Շրջանառվող համակարգերում ջրի մաքրում՝ վերաօգտագործման նպատակով,
• Հետադարձ օսմոսի նախնական մշակում։

Քաղաքային կեղտաջրեր

• MBR (մեմբրանային բիոռեակտոր) և ակտիվ տիղմի ջրազրկում,
• Խորը (երրորդային) մաքրում,
• Հեղեղաջրերի մաքրում։

Արտադրական կեղտաջրեր

• Լվացող սարքավորումների կեղտաջրեր
• Ածխաքիմիական արդյունաբերություն
• Սննդի և խմիչքների արտադրություն
• Էլեկտրոնային և կիսահաղորդիչների արդյունաբերություն
• Դեղագործություն
• Հանքարդյունաբերություն
• Նավթամթերք պարունակող կեղտաջրեր
• Նավթաքիմիական արդյունաբերություն
• Թղթի և ցելյուլոզի արտադրություն

Մեր քաղաքացիներին Էսթետիկ հաճույք պատճառելու փոխարեն Գետառը վեր է ածվել աղբատար-կոյուղատարի։

ℹ️ Երևանի քաղաքապետարանի պատվերով ՋԻՆՋ ընկերությունը ձեռնամուխ եղավ խնդրի լուծման, որի շրջանակներում էլ մշակեց Գետառ գետի համապատասխան հատվածում աղբորսիչ կայանի և եռաստիճան ջրավազանային համակարգի կառուցման նախագիծը։ Աղբորսիչ կայանի համալիրը բաղկացած է երկու բաղադրիչից․
🔹 աղբորսիչ ճաղավանդակներից, որոնց օգնությամբ կատարվում է 90-95% լողացող աղբի որսում և ապահովվում է դեպի Երևանյան լիճ մաքուր ջրի հոսքը,
🔹 արհեստական օդավորմամբ եռաստիճան ջրավազանային համակարգից, որը նպաստում է տհաճ հոտի հնարավորինս նվազեցմանը։

Ի ուրախություն բոլորիս աղբորսիչ համալիրի կառուցումը մոտենում է ավարտին և, հուսանք, որ մոտ ժամանակներս կմեկնարկի այդ համալիրի շահագործումը և մենք կունենանք տարածաշրջանում առաջին նմանատիպ համակարգ։💦

Մենք առաջարկում ենք կեղտաջրերի մաքրման խորհրդատվական ծառայությունների ամբողջական շրջանակ, ներառյալ.

• Խնդիրների ուսումնասիրում և լուծում,
• Կեղտաջրերի մաքրման նոր լուծումների նախագծում
• Կեղտաջրերի մաքրման կայանների արդիականացում
• Երրորդային (խորը) մաքրման համակարգերի նախագծում,
• Անհատական և խմբային տնային տնտեսությունների, այդ թվում նաև գյուղական, կեղտաջրերի հեռացման ու մաքրման մատչելի և հասանելի լուծումների առաջարկում,
• Կեղտաջրերի մաքրման կայանների շահագործման ու պահպանման անձնակազմի ուսուցում/վերապատրաստում
• Կենցաղային և արտադրական կեղտաջրերի հեռացման ու մաքրման խորհրդատվություն

Միասին ստեղծենք ապագա, որտեղ յուրաքանչյուր կաթիլը կարևոր է: