Am Ru En
ԻՆԺԵՆԵՐԱԽՈՐՀՐԴԱՏՎԱԿԱՆ  ԾԱՌԱՅՈՒԹՅՈՒՆՆԵՐ
ջրամատակարարման, ջրահեռացման և ջրային ռեսուրսների կառավարման ոլորտներում

Մեր մասին

28 տարվաորակյալ աշխատանք
100 + իրականացված ծրագրեր
+ + շահառու

Մենք ինժեներախորհրդատվական
ընկերություն ենք, որը մասնագիտացված է ջրամատակարարման, արտադրական և կենցաղային կեղտաջրերի հեռացման, մաքրման, ոռոգման, ինչպես նաև ջրային ռեսուրսների կառավարման բնագավառներում

Իր գործունեության 26 տարվա ընթացքում ընկերությունն ապահովում է բազմակողմանի լուծումներ և իրականացնում է նորարարական  ծրագրեր՝ Հայաստանի ջրատնտեսական ոլորտի բարելավման նպատակով:

Մենք առաջարկում ենք ջրամատակարարման, կեղտաջրերի հեռացման ու մաքրման, ոռոգման և ջրային ռեսուրսների կառավարման ոլորտներում ինժեներական և խորհրդատվական ծառայությունների լայն տեսականի:

Մեր մասնագիտացված և հավաստագրված փորձագետների, նախագծողների և խորհրդատուների թիմն ապահովում է խորը գիտելիքներ, հարուստ փորձ և նորարարական լուծումներ ոլորտի ծրագրերի  համար:

Մեր առաքելությունն է աջակցել անվտանգ, հուսալի և կայուն ջրամատակարարման և կեղտաջրերի հեռացման ու մաքրման ծառայությունների մատուցման գործընթացին:

Մեր ծառայությունները ներառում  են.

  • — Տեխնիկատնտեսական ուսումնասիրություններ
  • — Նախնական և աշխատանքային նախագծերի մշակում
  • — Բնապահպանական և սոցիալական գնահատում
  • — Շինարարության որակի տեխնիկական հսկողություն
  • — Մասնագետների վերապատրասում
  • — Կարողությունների զարգացում

ՋԻՆՋ-ը անդամակցում է Հայաստանի Շինարարների միությանը և Երևանի Առևտրա-արդյունաբերական Պալատին, ինչպես նաև Գլոբալ Ջրային Համագործակցություն միջազգային ցանցին, Քուռ-Արաքս տարածաշրջանային կոալիցիային, Կայուն Ջրահեռացման Միությանը (SuSanA) և Միջազգային Ջրային Ասոցիացիային (IWA):

Ծառայություններ

Մենք իրականացնում ենք հետևյալ ծառայությունները՝

Նորություններ

Կյանքն առանց կոյուղու

1ՀՀ Առաջին հեռուստաալիքի ԵԿԵՔ ՀԱՍԿԱՆԱՆՔ հաղորդման հյուրն էր ՋԻՆՋ ընկերության տնօրեն Էդուարդ Մեսրոպյանը: Հաղորդումը նվիրված էր Հայաստանում կոյուղու հետ կապված խնդիրներին:
Դիտեք Էդուարդ Մեսրոպյանի կարծիքը այդ խնդրի վերաբերյալ:

Ինժեներախորհրդատվական ծառայություններ մատուցող տարվա ընկերություն

Ս.թ. հոկտեմբերի 17-ին Արամ Խաչատրյան համերգասրահում կայացավ «Համազգային վստահություն» խորհրդի կողմից կազմակերպած «Տարվա հանրային ծառայող և տարվա ապրանքանիշ 2017» ազգային մրցանակաբաշխությունը:
Ուրախ ենք տեղեկացնել, որ սոցիոլոգիական հարցումների և փորձագիտական եզրակացության արդյունքում «ՋԻՆՋ» ընկերությունն արժանացավ «Ջրամատակարարման ոլորտում ինժեներախորհրդատվական ծառայություններ մատուցող տարվա ընկերություն» անվանակոչմանը:

Օշ քաղաքի ջրամատակարարման և ջրահեռացման համակարգերի վերականգնում

Ս.թ. հուլիսի 10-ից «Օշգորվոդոկանալ»-ի պատվերով «ՋԻՆՋ» ընկերությունը «Գրանթ Թորնթոն» ՓԲԸ-ի հետ համատեղ սկսում է իրականացնել «Օշ քաղաքի ջրամատակարարման և ջրահեռացման համակարգերի վերականգնում» ներդրումային ծրագրի երկրորդ փուլը, որը ֆինանսավորում է Վերակառուցման եվ Զարգացման Եվրոպական Բանկի կողմից: Ծրագրի շրջանակներում «ՋԻՆՋ»-ը աջակցելու է Ծրագրի ընդհանուր կառավարման իրականացմանը, կատարելու է նախագծում և աշխատանքների տեխնիկական վերահսկողության, ինչպես նաև աջակցելու է գնումների գործընթացին: Այս ծրագրի շրջանակներում Օշ քաղաքում (Ղրղզստան) կվերականգնվեն գործող կեղտաջրերի մաքրման կառուցվածքները և 3 պոմպակայանները:

Ոսկե մրցանակ միջազգային ստանդարտների ներդրման համար

Սույն թվականի մարտի 3-ին «Դաբլ Թրի բայ Հիլթոն Երևան» հյուրանոցում տեղի ունեցավ հայկական մի շարք հանրաճանաչ կազմակերպությունների մրցանակաբաշխության արարողությունը: Այն կազմակերպվել էր Ստանդարտների ազգային ինստիտուտի և «Համազգային վստահություն» խորհրդի հետ համատեղ: Ուրախ ենք հայտնելու, որ միջազգային ստանդարտների ներդրման բնագավառում նշանակալի դերակատարման և ակտիվ մասնակցության համար Ոսկե մրցանակի արժանացավ նաև ՋԻՆՋ ընկերությունը:

"Շինարարություն և Ինտերիեր 2017" մասնագիտացված ցուցահանդես

ՋԻՆՋ ընկերությունը սիրով հրավիրում է այցելել իր տաղավար, ս.թ. մայիսի 19-ից մինչև 21-ը կայանալիք "Շինարարություն և Ինտերիեր 2017" 10-րդ հոբելյանական միջազգային մասնագիտացված ցուցահանդեսին, որը տեղի կունենա “Երևան Էքսպո” կենտրոնում (հասցե՝ ք. Երևան Հ. Հակոբյան փող., 3-րդ շենք):

Հայաստանի ջրային ոլորտի ներդրումային ծրագիր

Մեկնարկվել են Վերակառուցման և Զարգացման Եվրոպական Բանկի ֆինանսավորմամբ, ՀՀ ԳՆ  ջրային տնտեսության պետական կոմիտեին առընթեր Հայջրմուղկոյուղի ՓԲԸ-ի պատվերով  “Հայաստանի ջրային ոլորտի ներդրումային ծրագիր - տեխնիկատնտեսական հիմնավորում” ծրագրի  աշխատանքները: Ծրագիրը իրականացվում է COWI Դանիա – COWI Ռուսաստան – ՋԻՆՋ  ինժեներա-խորհրդատվական ընկերությունների կողմից: Սույն թվի հոկտեմբերի 20-ին կայացավ ծրագրի մեկնարկային հանդիպումը, որի ընթացքում Պատվիրատուն ներկայացրել է՝ ծրագրի նպատակները և մեթոդոլոգիան, աշխատակազմի դերը և պատասխանատվությունները, իրականացման ժամանակացույցն ու հանձնվող հաշվետվությունները:

Շիրակի մարզի չորս գյուղերի ջրամատակարարման համակարգերի վերականգնում

2015թ. «ՀՀ ԿԱ Գյուղական տարածքների տնտեսական զարգացման ծրագրերի իրականացման գրասենյակ» ՊՀ-ի պատվերով՝ «Նախագծում և հեղինակային հսկողություն/ՀՀ Լոռու, Վայոց Ձորի, Շիրակի, Արագածոտնի, Տավուշի, Գեղարքունիքի մարզեր ջրամատակարարման համակարգի վերակառուցում 2015թ./RACP/TA/QCBS/2015/068» ծրագրի շրջանակներում մեր ընկերության կողմից մշակվել է Շիրակի մարզի Իսահակյան, Հայկաձոր, Շիրակավան և Արևիկ գյուղերի ջրամատակարարման համակարգերի բարելավման նախնական և աշխատանքային նախագծերը:

Կեղտաջրի մաքրման կայուն լուծումներին նվիրված կոնֆերանս

Սույն թվականի հունիսի 19-21, Կավալա քաղաքում (Հունաստան) տեղի ունեցավ միջազգային գիտապրակտիկ կոնֆերանս “Կեղտաջրի մաքրման կայուն լուծումներ. տարածքային համագործակցության ազդեցության բարձրացում” խորագրով: Կոնֆերանսը կազմակերպվել էր Ջրային ռեսուրսների Եվրոպական ասոցիացիայի հովանու ներքո “Սևծովյան ավազանի 2007-2013” համագործակցության ծրագրի շրջանակներում:
Միջոցառման ժամանակ ՋԻՆՋ ընկերությունը ներկայացրեց իր նախագծված և կառուցված կեղտաջրի մաքրման կայանը Փարաքար համայնքում (Հայաստան), որի հիմնական առանձնահատկությունն ու առավելությունը՝ ավանդական և այլընտրանքային տեխնոլոգիաների համադրությունն է արհեստական օդափոխմամբ լագունային լճակում (արհեստական օդափոխությամբ, ճաղավանդակի խցով և երկրորդային պարզարանով):

Համայնքային կեղտաջրերի մաքրման այլընտրանքային տեխնոլոգիաներ

2014 թ. հոկտեմբերի 16-17-ին ՋԻՆՋ ընկերությունը Ազգային ջրային համագործակցություն ՀԿ-ի հետ համատեղԱղվերանի Best Western հյուրանոցային համալիրում անցկացրեցին երկօրյա ազգային սեմինար` "Համայնքային կեղտաջրերի մաքրման այլընտրանքային տեխնոլոգիաներ" թեմայով: Սեմինարի իրականացմանը ֆինանսական աջակցություն էին ցուցաբերել Գլոբալ Ջրային Համագործակցության քարտուղարությունը, Երևան Ջուր և Հայջրմուղկոյուղի ՓԲԸ-ները: Սեմինարի նպատակն էր բացահայտել Հայաստանում համայնքային կեղտաջրերի մաքրման այլընտրանքային տեխնոլոգիաների կիրառմանը նպաստող պայմանները, ինչպես նաև խոչընդոտող իրավական, կառուցվածքային և ֆինանսական շրջանակաները և ուղիներ մշակել դրանց ներդրման ու կիրառման համար երկրներում բարենպաստ միջավայր ստեղծելու գործում:
Ծրագրեր

Անձնակազմ

Էդուարդ Մեսրոպյան

Հիմնադիր տնօրեն

Հովհաննես Մեսրոպյան

Հիմնադիր և փոխտնօրեն

Կամո Աղաբաբյան

Ծրագրերի ղեկավար

Արմինե Հովհաննիսյան

Գործերի կառավարիչ

Ռենա Բադալովա

Ջրամատակարարման ծրագրերի խմբի ղեկավար

Ահարոն Դավթյան

Ջրահեռացման ծրագրերի խմբի ղեկավար

Վահան Կոբելյան

Ոռոգման ծրագրերի մշակման խմբի ղեկավար

Արևիկ Հովսեփյան

Բնապահպանության և սոցիալական բաժնի ղեկավար

Կարեն Մեսրոպյան

Շին. աշխատանքների տեխնիկական հսկողության խմբի ղեկավար

ՊԱՐԳԵՎՆԵՐ

Diamond Eye Award for Quality Commitment and Excellence
Rome, 2009
International Quality Crown Award
London, 2005
International Diamond Star for Quality
Paris, 2004
Arch of Europe for Quality and Technology Platinum Category
Frankfurt, 2003
International Gold Star for Quality
Geneva, 2002

Կապ

ՀՀ, ք. Երևան, 0037
Չոլակյան փ., 38 տուն

Հեռ.: +37410 246 023
Ֆաքս: +37410 209 604

Մենք միշտ հետաքրքրված ենք ընդլայնել մեր աշխատակազմը, համալրելով այն հմուտ մասնագետներով, ինչպես նաև շնորհալի երիտասարդներով:

Եթե ցանկանում եք միանալ մեր թիմին, գրեք մեզ` info@jinjconsult.com: